Mjumbe wa Kamati Kuu ya Halmashauri Kuu ya Chama cha Mapinduzi (CCM),Dkt Tulia Ackson amewataka viongozi ndani ya chama kuyasema mazuri yaliyofanywa na serikali ya awamu ya sita chini Rais Samia Suluhu Hassan.
Dkt,Tulia ambaye ni Spika wa Bunge na Mbunge Mbeya mjini, amesema hayo leo Jumatatu Desemba 23,2024 ,aliposhiriki mkutano wa viongozi wa CCM ,uliofanyika katika ukumbi wa Dkt,Tulia uliopo sabasaba jijini hapa.
Amesema viongozi na wanachama wa CCM wajipe nafasi kubwa ya kuisemea serikali ya Rais Samia Suluhu Hassan, kwa wananchi na kuyatangaza mazuri yaliyofanywa katika uongozi wake.
"Ndugu zangu leo tumekutana hapa kueleza mambo kadhaa yaliyofanywa hususan katika Jimbo la Mbeya mjini katika sekta ya elimu, afya, maji na miundombinu ya barabara njia nne,"amesema.
Amesema katika sekta ya elimu tumeona ujenzi wa miundombinu ya vyumba vya madarasa vya kisasa ambavyo vimeleta mageuzi makubwa katika sekta ya elimu.
Dkt. Tulia amesema uwekezaji katika miradi ya kimkakati inampasa kila kiongozi kuwa na wajibu wa kusimama na kuyazungumza na sio kukaa kimya .
"Serikali imefanya na inaendelea kufanya kazi kubwa sana katika maeneo mbalimbali nchini hivyo ni wakati wenu kutumia fursa mnazopata kuyasema yaliyo kwenye maeneo yenu hususan ninyi viongozi wa serikali za mitaa,"amesema.
Amesema kukaa kimya kunatoa fursa kwa watu kuinuka na kuzungumza kuwa serikali haijafanya jambo lolote wakati sote tunashuhudia namna inavyosogeza huduma kwa jamii yakiwemo maeneo ya vijijini.
#KhomeinTvUpdates
✍️Mwandishi wetu-Mbeya
PIA USIACHE KU SUBSCRIBE
CHANEL YETU Khomein TV
YOUTUBE UWE WA KWANZA
KUFIKIWA NA HABARI ZETU
Follow Insta & Threads @khomeintv_
Tufollow pia kwenye X (Twitter), TikTok
@khomeintv na Facebook Khomein Tv
0 Comments