OFISI ya Rais, Tawala za Mikoa na Serikali za Mitaa (TAMISEMI), imefanya kikao kazi cha kuwajengea uwezo wasimamizi na watekelezaji wa mpango wa kuwasaidia watu wa makundi maalum na makabila ya asili yaliyo katika hatari ya kutoweka (Vulnerable group).
Kikao kazi hicho kimefanyika hivi karibuni katika Chuo cha Ualimu Kigurunyembe Mkoani Morogoro na kimehusisha Waratibu wa mpango wa shule salama, Maofisa Maendeleo ya Jamii na Maofisa Ustawi wa Jamii wa ngazi ya Mkoa na Halmashauri.
Mratibu wa Shule Salama, Ofisi ya Rais - TAMISEMI Hilda Mgomapayo ameeleza kuwa kikao hicho ni cha kutathmini hali ya utekelezaji kufuatia ziara iliyofanyika ya kuwatembelea makundi maalum na makabila ya watu wa asili kwenye mikoa ya Dodoma, Singida, Manyara, Arusha na Simiyu.
Amesema pamoja na ziara hiyo Maofisa hao walijengewa uwezo jinsi ya kuandaa mpango mkakati wa kusaidia makundi maalumu na makabila ya asili.
Mratibu huyo ametoa wito kwa wataalamu kushughulikia na kufuatilia kwa haraka changamoto na malalamiko kuhusiana na makundi maalumu yanapojitokeza.
✍️ Mwandishi wetu
PIA USIACHE KU SUBSCRIBE
CHANEL YETU Khomein TV
YOUTUBE UWE WA KWANZA
KUFIKIWA NA HABARI ZETU
Follow Insta & Threads @khomeintv_
Tufollow pia kwenye X (Twitter), TikTok
@khomeintv na Facebook Khomein Tv
0 Comments